თუ ცხიმიანი თმის პრობლემა გაწუხებთ, მიუხედავად იმისა, რომ ხარისხიან პროდუქტებს იყენებთ თმისთვის და სალონებსაც რეგულარულად სტუმრობთ, მაშინ ვეცდებით მისი გამომწვევი მიზეზები დეტალურად აგიხსნათ. მნიშვნელოვანია ვიცოდეთ: ცხიმიანობის მიზეზი ყოველთვის ზედაპირზე არ ჩანს. შესაძლოა საქმე იყოს თავის კანის მდგომარეობაში, რუტინაში ან არც თუ ისე შესაფერის პროდუქციაში. მოდი ჩავუღრმავდეთ, რაზეა დამოკიდებული ცხიმის გამოყოფა და როგორ მოვუაროთ თმას, რომ უფრო დიდხანს გამოიყურებოდეს სუფთად. ცხიმიანობის მთავარი მიზეზი არის სებუმი - ნივთიერება, რომელსაც გამოყოფს თმის ფოლიკულებთან არსებული ცხიმოვანი ჯირკვლები. სებუმი აუცილებელია თავის კანის დატენიანებისთვის და თმის დაცვაზე ზრუნავს, თუმცა, ზედმეტი რაოდენობით მის არსებობას უკვე უარყოფითი ეფექტი აქვს.
მიზეზები, რაც აძლიერებს სებუმის გამოყოფას:
რატომ ცხიმიანდება თმა სწრაფად?
1. ხშირი ან იშვიათი დაბანა
თუ ხშირად იბანთ თმას, კანი „ფიქრობს“, რომ დაცლილია ცხიმისგან და ორმაგად გამოყოფს სებუმს. იშვიათად დაბანის დროს კი ცხიმი გროვდება და თმა ბზინვარე და მძიმე ხდება.
2. მძიმე ან შეუსაბამო პროდუქტები
თუ თქვენი თმის ტიპისთვის შეუფერებელ შამპუნს ან ბალზამს იყენებთ, კანის ბალანსს არღვევთ. ეცადეთ გამოიყენოთ მსუბუქი, სულფატების გარეშე პროდუქცია.
3. რუტინის შეცდომები
4. ჰორმონალური ცვლილებები
მენსტრუალური ციკლის პერიოდში სებუმის გამომუშავება შეიძლება გაიზარდოს. ეს დროებითია, თუმცა შესამჩნევი.
5. სტრესი
სტრესი ზრდის კორტიზოლის დონეს, რაც ასევე ზრდის ცხიმოვან გამოყოფას.
როგორ მოქმედებს თმის სტრუქტურა ცხიმიანობაზე?
ხუჭუჭა თმა
სებუმს უჭირს სიგრძეზე გავრცელება, ამიტომ ძირებში გროვდება, ბოლოები კი მშრალია.
თხელი თმა
სებუმი სწრაფად ვრცელდება მთელ სიგრძეზე — შედეგი: ზედმეტად ცხიმიანი და „დაბრტყელებული“ თმა.
სქელი თმა
თავის კანი ჭარბად იწყებს სებუმის გამოყოფას, რომ ყველა ღერი დატენიანდეს. ძირებთან ჩანს ცხიმი, სიგრძე კი რჩება მშრალი.
რატომ ცხიმიანდება მხოლოდ თმის ზედა ნაწილი?
თავის კანის ზედა ნაწილში სებუმის ჯირკვლები უფრო მეტადაა კონცენტრირებული. ამასთანავე:
ცხიმი, ქავილი თუ ქერტლი? რა უნდა იცოდე
თუ ცხიმთან ერთად გაწუხებთ ქავილი, სიწითლე ან ყვითელი ფიფქები, შეიძლება საქმე გქონდეთ სებორეული დერმატიტთან — ამ შემთხვევაში საჭიროა დერმატოლოგის კონსულტაცია.
ხოლო თუ ქავილი და ქერტლი მხოლოდ პროდუქტის დაგროვების შედეგია, პრობლემის
მოგვარებაში დაგეხმარებათ ღრმა წმენდის შამპუნი.
როგორ ვებრძოლოთ ცხიმიან თმას — 7 ნაბიჯი
1. დაბანისთვის შეარჩიეთ სწორი გრაფიკი
არ გადაიტვირთოთ ყოველდღიური დაბანით, მაგრამ არც 5 დღის გადადება არის გამოსავალი. დაკვირვებით განსაზღვრეთ, რა სიხშირე უხდება თქვენს ტიპს.
2. გამოიყენეთ ღრმა წმენდის შამპუნი კვირაში ერთხელ
დაგროვილი პროდუქტების მოსაშორებლად და კანის "გადატვირთვისთვის".
3. სკალპის ექსფოლიაცია
კვირაში ერთხელ მსუბუქი სკრაბი ან მასაჟი ხელს უწყობს სისხლის მიმოქცევას და ცხიმის მოხსნას.
4. სწორად დაბანა და ჩამობანა
შამპუნი — მხოლოდ ფესვებზე. კონდიციონერი — მხოლოდ სიგრძეზე და ბოლოზე, შემდეგ კარგად ჩამოიბანეთ.
5. გაწმინდეთ სავარცხლები და ბალიშის პირები
სავალდებულოა კვირაში ერთხელ მათი გარეცხვა.
6. ჯანსაღი კვება და წყლის საკმარისი მიღება
ცხიმიანი საკვები და გაუწყლოება უარყოფითად აისახება სებუმის ბალანსზე.
7. მშრალი შამპუნი დაბანებს შორის
მოცულობისა და სისუფთავის შესანარჩუნებლად სცადეთ მშრალი შამპუნები
ხშირად დასმული კითხვები
რატომ ცხიმიანდება თმა 1 დღეში?
შეიძლება საქმე გქონდეთ გენეტიკასთან, ჰორმონებთან, ან პროდუქტის შერჩევასთან. თუ რუტინის შეცვლის შემდეგაც შედეგი იგივეა — მიმართეთ სპეციალისტს.
არის თუ არა ცხიმიანი თმა ჯანსაღი?
სებუმი აუცილებელია თმის დასატენიანებლად, მაგრამ ჭარბი ცხიმი იწვევს ქავილს, ბზინვარების დაკარგვას და სხვა პრობლემებს
როდის მივმართოთ სპეციალისტს?
თუ ქავილი, სიწითლე, ქერტლი და ცხიმი არ ქრება პროდუქტების შეცვლის და დეტოქსის შემდეგ — ეს უკვე პროფესიონალის საქმეა.
დერმატოლოგი ან ტრიქოლოგი დაგეხმარებათ გამოავლინოთ ძირეული მიზეზი და დაგინიშნოთ სწორი მკურნალობა.
